Message I stp ko long every Farmers around Vanuatu

Gudfala fasin blong folem bifo, long taem blong, mo afta wan hariken.

department-blong-agriculture-vanuatu

Wanem blong makem befo wan hariken I kam?

Garen
1. Katemaot ol lif blong banana
2. Katemaot ol han blo aelan kabis
3. Katemaot ol han o top blong maniok
4. Havestem ol banana we oli rere
5. Havestem ol wota taro we yu ting se mbae wota I save karemaot
6.karem inaf kake mo putum gud long haos.

Fruit Tri
1. Havestem ol frut we I rere mo olgeta we oli klosap rere mo storem gud long haos.
2. Kipim gud ol sid mo ol planting materials blong planem bakeken.
3. Katemaot sam han blong ol tri nogud strong win bae I brekem.

Laefstok
1. Katemaot ol han blong ol laef pos blong fanis blong buluk, pig, nani mo faol.
2. Muvum ol animol I go long wan sef ples we I gat fulap kakae, long saed blong hill, ples we win I no strong tumas.
3. No putum olgeta long ples we wota I save ron olsem lo krik o riva.

Wanem blong mekem afta long hariken?

Garen
1. digim ol maniok we win I kapsaetem
2. Sapos maniok I fulap tumas yu save digim wan hol festaem blong storem o sharem wetm ol family o friend.
3. Planem bak ol han blong aelan kabis we I brokbrok
4. Planem bak ol han blong kava we I brokbrok
5. Mekem rere ol stampa blong banana wetem yang gru blong planem bakegen
6. Planem bak ol rop blong kumala

Frut_Tri
1. Klinim gud ol frut tri we han o brans I brokbrok

Laefstok
1. Katemaot mo muvumaot ol han blong tri we oli brok mo foldaon insaed long fanis mo hipimap gud long wan ples mo fixim ol fanis we I brokbrok.
2. Klinim gud ol wota kontena we I fulap wetem lif mo putum klin wota bakegen.
3. Narafala samting yu mas tingting blong woken nuifala garen o fanis blo laefstok bakegen.

Please toktok wetem agriculture fil assisten o forestry officer o livestock officer long eria blong you sepos u no safe gud wanem blong makem bifo, long taem blong mo afta long wan hariken.

Message ia hemi stp kam through long Food Security and Agriculture Cluster (FSAC) Vanuatu under long Ministry blong Agriculture, Livestock, Forestry, Fisheries and Biosecurity (MALFFB).


Visit the Department Blong Agriculture Facebook for more information.