Dia Edita,

Plis allaoem smol speis blong mi kommen lo topik ia.

Mi wan yang mama blong Vanuatu, mo mi stap lukluk wetem intres long ol risen divelopmen lo kaonsel blong ol woman.

I gat fulap kommen lo sosel media afta we ol woman oli askem Gavman blong kommitim hem long 50% kota blong woman ripresenteisen long nasanol palamen.

Mi wantem save se tingting ia hem i kam aot long ol woman lida blong yumi stret? o oli stap karem advaes lo nara man.

Hem i simpol nomo, plis yumi no lukluk long wea tumas.

Ol woman Vanuatu i mas wok had tugeta blong go insaed Red Roof ia.

Hao nao bae yumi jastifaem rikwes ia long Gavman?

Sapos olgeta we oli gat disability oli mekem wan rikwes olsem, bae i mekem sens lelbet.

Blong kasem genuine respek, yumi mas wok from.

I no gat doubt se sapos yumi elektem ol stret woman lida i go lo palamen bae oli mekem jens mo fulap gud wok.

Be aproj blong askem risev sit, hem i no stret. Mo hem i no ansa blong mekem ol woman oli kam tugeta.

Stella


This letter was written to the Editor of the Vanuatu Daily Post