Minister of Foreign Affairs and External Trade, Hon. Ralph Regenvanu shares a few words to stand in solidarity with women and girls during 16 Days of Activism.

ralph-regenvanu-16-days-of-activism

Long wik ia we I jas pas
Long evri aelan blong Vanuatu, long evri vilij long Vanuatu, long evri quartier blong evri taon long Vanuatu
Ol woman mo ol gel I fesem ol rabis toktok we ol man mo ol boe I sakem long olgeta
Ol woman mo ol gel I fesem ol rabis saen we ol man mo ol boe I mekem long olgeta
Ol woman mo ol gel I fesem ol vaelans we ol man mo ol boe I mekem long olgeta
Ol woman mo ol gel I karem ol rabis kil we ol man mo ol boe I givim long olgeta
Sam woman mo gel i ded folem ol kil we oli karem long han blong ol man mo ol boe.

Hemia I no stret
Hemia I no fasen
Hemia I no laef
Hemia I no mas bi Vanuatu.

Vaelens agensem ol woman mo gel hemi biggest human rights isiu lo Vanuatu tede.
Abyus blong ol woman mo gel, mo abyus blong raets blong olgeta, hemi biggest crime we I stap happen long Vanuatu tede.
Fasen blong disrispekt blong ol man mo ol boe towods ol woman mo ol gel hemi olsem wan bigfala blokej long rod blong Vanuatu I go long wan gudfala fiuja.

Disrespect hemi no honorable
Disrespect hemi no stret
Disrespect hemi no fasen
Disrespect hemi no laef
Hemia I no mas bi Vanuatu.
Yumi ol man nao yumi stampa blong problem.

Ol boe, bae yumi stopem fasen blong disrespect long ol woman mo ol gel
Ol man, bae yumi stopem fasen blong disrespect long ol woman mo ol gel
Ol brata, bae yumi stopem fasen blong disrespect long ol woman mo ol gel
Ol Squad, bae yumi stopem fasen blong disrespect long ol woman mo ol gel

Ol man mo ol boe, yumi nao stampa blong problem.
Ol man mo ol boe, yumi nao yumi mas jenjem fasen blong yumi.
Ol man mo ol boe, yumi nao stampa blong problem, be yumi yet bae yumi save stopem problem ia long Vanuatu.

Hemia nao bae i honourable
Hemia nao bae i stret
Hemia nao fasen
Hemia nao laef
Hemia nao i mas bi Vanuatu.


Credit: Facebook