Vanuatu Weightlifting Federesen (VWF) i konkrajuletem gudfala pefomens blong tu (2) long ol atlet we i bin patisipet long Weightlifting Niu Zilan nasonal jampionsip las wik long Mt Maunganui.

Tufala atlet ia i kat Ajah Pritchard Lolo mo Thomas Wilbur.

Long wan stetmen we Vanuatu Weightlifting Federesen (VWF) i putum aot, Lolo i mekem wan gud pefomens long 84kg snatch mo 104kg klin mo jek, totel up long 188kg.

VWF i komen se Miss Lolo, we hem mo Mr Wilbur i stap kompit olsem ol guest atlet, i lukim unofisol posisen blong hem long kompitisen i putum hem insaed long top tri (3).

Long olketa katekori blong ol man, Wilbur i putum aot wan gud pefomens long 125kg snatch mo 156kg klin mo jerk, totel blong 281kg.

Weightlifting i no wan popula sport blong fulap yangfala tedei be wetem ol pefomens we tuketa atlet ia stap putum aot i stap putum intres tu long fulap yangfala.

Miss Lolo i bin patisipet long Commonwealth kem long Birmingham, England mo putum wan niu rekod blong hem. Mr Wilbur i bin patisipet long Pasifik mini kem long Saipan, Not Mariana mo kasem wan gold medal tu.

_______________________________________________________________________

SOURCE: VANUATU DAILY POST