Hemia hemi probably no wan gudfala foto blo iusim olsem example, be hemi bringim ap samfala impoten point blong komiuniti awea long hem. Fasin ia, from nomo yumi kat wan foto blem nao ol man itokbaot, but riality se hemi happen plante long ol aelan mo komiunities blong yumi we ol famili blong yumi wetem mental illness oli stap fasem olgeta, kilim olgeta, jikim olgeta mo samfala narafala moa rapis tritmen.

mental-health-vanuatu

Mental illness (sik blong tingting) hemi olsem ol narafala sikness, olsem sik blong heart, high blad pressa, sik suka, sik blong liver etc. Eksampol: man we ikasem sik blong liver, bae body blong hem i soem folem wanem wok liver hemi mekem long body: so bae eye blong hem bae i yellow, leg mo bel isoalap mo sam narafala signs. Mental illness hemi sik we i afektem brain, mo bae hemi soem folem wok we brain imekem: bae isoemaot lo biheiva, tingting, jadgmen mo decisions. So, wetem samfala mental illness samfala oli nogat kapasiti blong mekem gudfala jadjmen or desisen. And samfala taem, behavior blong olgeta bae hemi difikal lelebet blong manejem.

Fasin blong olgeta wetem mental illness hemi wan way blong talem aot long yumi se oli NEEDIM HELP. So ol action blong yumi towards olgeta ishud kamaot long wan ples we yumi advokeit long best interest blong olgeta blo asistim olgeta blong karem help we oli nidim.

Samfala praktikal advaes mo steps blong aprojem person wetem mental illness we mait biheiva blong hem hemi difikal lelebet, blong yumi everiwan itingbaot:
1. Peson wetem mental illness hemi wan human being
2. Toktok long hem fastaem mo traem blong kalmem hem wetem toktok (yu mas be awea long tone blong vois blong yu, how u toktok lem blong ‘de-escelate’ situation).
3. Sipos hemia ino wok, THEN u save tingbaot blong SAFELY restrain
4. Hemi no inaf blong restrain nomo then lego olgeta – Lukaotem sam propa help/tritment blong sik blong hem.
5. Provaedem gudfala sapot netwok blong helpem hem: family sapot, komiuniti sapot, jioj sapot etc.

Point blong tingbat about SAFE RESTRAINT:
1. Restrain hemi NO wan tritmen – hemi last resort.
2. Talem long sikman se bae u restrainem hem nao bifo u restrain
3. Restrain hemi shud be SAFE – TABU blong blokem rod blong pulum win (neck/throat/mouth) mo press/stanap/sitdaon long chest (from bae blokem win/breathing)
4. No mas restrain moa than 4 hours
5. No restrain afta lego sikman ia istap hemwan
6. Kontiniu blong toktok mo negotiate wetem sikman blong hemi kalm daon
7. sikim proper help blong sikman ia.
8. RESTRAINT INO WAN TRITMEN OR CURE BLONG MENTAL ILLNESS.


SOURCE: Mental Health Vanuatu Facebook